ਚੰਡੀਗੜ੍ਹ,12 ਅਪ੍ਰੈਲ, Gee98 News service
-ਹਰਿਆਣਾ ਦੀ ਯੂਨੀਵਰਸਿਟੀ ਤੋਂ ਇੱਕ ਅਜਿਹੀ ਘਟਨਾ ਸਾਹਮਣੇ ਆ ਰਹੀ ਹੈ ਜਿਸ ਨੇ ਮੁਲਕ ਦੀਆਂ ਉੱਚ ਸਿੱਖਿਆ ਸੰਸਥਾਵਾਂ ਦੇ ਵਿਗੜੇ ਹੋਏ ਮਾਹੌਲ ਵੱਲ ਧਿਆਨ ਖਿੱਚਿਆ ਅਤੇ ਮਾਪਿਆਂ ਨੂੰ ਸੁਚੇਤ ਵੀ ਕੀਤਾ ਹੈ। ਇਹ ਹੈਰਾਨ ਕਰਨ ਦੇਣ ਵਾਲਾ ਮਾਮਲਾ ਹਰਿਆਣਾ ਦੀ ਸੋਨੀਪਤ ਸਥਿਤ ਓਪੀ ਜਿੰਦਲ ਯੂਨੀਵਰਸਿਟੀ ਨਾਲ ਸਬੰਧਿਤ ਹੈ, ਜਿੱਥੇ ਯੂਨੀਵਰਸਿਟੀ ਦੇ ਹੋਸਟਲ ਵਿੱਚ ਰਹਿਣ ਵਾਲਾ ਇੱਕ ਲੜਕਾ ਆਪਣੀ ਗਰਲਫਰੈਂਡ ਨੂੰ ਵੱਡੇ ਟਰਾਲੀ ਬੈਗ ਵਿੱਚ ਪੈਕ ਕਰਕੇ ਆਪਣੇ ਹੋਸਟਲ ਦੇ ਕਮਰੇ ਵਿੱਚ ਲਿਜਾ ਰਿਹਾ ਸੀ ਪ੍ਰੰਤੂ ਸਿਕਿਉਰਟੀ ਦੀਆਂ ਤੇਜ਼ ਅੱਖਾਂ ਤੋਂ ਉਹ ਬਚ ਨਹੀਂ ਸਕਿਆ ਅਤੇ ਫੜਿਆ ਗਿਆ। ਦਰਅਸਲ ਯੂਨੀਵਰਸਿਟੀ ਦੇ ਹੋਸਟਲ ਵਿੱਚ ਰਹਿਣ ਵਾਲਾ ਇਹ ਲੜਕਾ ਆਪਣੀ ਗਰਲਫਰੈਂਡ ਨੂੰ ਆਪਣੇ ਹੋਸਟਲ ਦੇ ਕਮਰੇ ਵਿੱਚ ਲਿਜਾਣਾ ਚਾਹੁੰਦਾ ਸੀ ਜਿਸ ਲਈ ਉਸਨੇ ਆਪਣੇ ਦੋਸਤਾਂ ਨਾਲ ਮਿਲ ਕੇ ਇੱਕ ਯੋਜਨਾ ਤਿਆਰ ਕੀਤੀ। ਉਸ ਲੜਕੇ ਨੇ ਇਹ ਯੋਜਨਾ ਆਪਣੇ ਗਰੁੱਪ ਵਿੱਚ ਸਾਂਝੀ ਕੀਤੀ ਇਸ ਗਰੁੱਪ ਵਿੱਚ ਕੁਝ ਹੋਰ ਕੁੜੀਆਂ ਵੀ ਹਨ। ਯੂਨੀਵਰਸਿਟੀ ਦੇ ਨਿਯਮਾਂ ਅਨੁਸਾਰ ਲੜਕਿਆਂ ਦੇ ਹੋਸਟਲ ਵਿੱਚ ਲੜਕੀਆਂ ਦਾ ਆਉਣਾ ਸਖ਼ਤ ਮਨਾਂ ਹੈ। ਗਰੁੱਪ ਨੇ ਇਹ ਯੋਜਨਾ ਬਣਾਈ ਕਿ ਕੁੜੀ ਨੂੰ ਇੱਕ ਟਰਾਲੀ ਬੈਗ ਵਿੱਚ ਪੈਕ ਕਰਕੇ ਲੜਕਿਆਂ ਦੇ ਹੋਸਟਲ ਤੱਕ ਲਜਾਇਆ ਜਾਵੇਗਾ ਅਤੇ ਇਸੇ ਤਰ੍ਹਾਂ ਵਾਪਸ ਲਿਆਂਦਾ ਜਾਵੇਗਾ। ਯੋਜਨਾ ਅਨੁਸਾਰ ਦੋਸ਼ੀ ਵਿਦਿਆਰਥੀ ਲੜਕੇ ਦੀ ਗਰਲਫਰੈਂਡ ਦੇ ਭਾਰ ਅਤੇ ਕੱਦ ਦੇ ਮੁਤਾਬਕ ਇੱਕ ਵੱਡਾ ਟਰਾਲੀਬੈਗ ਖਰੀਦ ਕੇ ਕੁੜੀਆਂ ਦੇ ਹੋਸਟਲ ਰੱਖਿਆ ਗਿਆ। ਜਿੱਥੇ ਗਰੁੱਪ ਦੀਆਂ ਕੁੜੀਆਂ ਨੇ ਸੰਬੰਧਿਤ ਕੁੜੀ ਨੂੰ ਟਰਾਲੀਬੈਗ ਵਿੱਚ ਪੈਕ ਕਰਕੇ ਦੋਸ਼ੀ ਲੜਕੇ ਨੂੰ ਹੈਂਡਓਵਰ ਕਰ ਦਿੱਤਾ ਅਤੇ ਉਹ ਆਪਣੇ ਇੱਕ ਹੋਰ ਦੋਸਤ ਨਾਲ ਮਿਲ ਕੇ ਇਸ ਟਰਾਲੀ ਬੈਗ ਨੂੰ ਲੜਕਿਆਂ ਦੇ ਹੋਸਟਲ ਤੱਕ ਲਿਜਾ ਰਿਹਾ ਸੀ ਪ੍ਰੰਤੂ ਸਿਕਿਉਰਟੀ ਗੇਟ ਦੇ ਨੇੜੇ ਟਰਾਲੀ ਬੈਗ ਦਾ ਇਕ ਪਹੀਆ ਟੁੱਟ ਗਿਆ ਅਤੇ ਬੈਗ ਇੱਕ ਪਾਸੇ ਨੂੰ ਡਿੱਗਿਆ ਜਿਸ ਨਾਲ ਉਸ ਵਿੱਚ ਬੰਦ ਕੀਤੀ ਕੁੜੀ ਦੀ ਚੀਕ ਨਿਕਲ ਗਈ ਜਿਸ ਤੋਂ ਬਾਅਦ ਸਿਕਿਉਰਟੀ ਮੈਨ ਸੁਚੇਤ ਹੋ ਗਿਆ ਤੇ ਉਸਨੇ ਟਰਾਲੀ ਬੈਗ ਲਿਜਾ ਰਹੇ ਦੋਵੇਂ ਲੜਕਿਆਂ ਨੂੰ ਰੋਕਿਆ ਤਾਂ ਦੋਵਾਂ ਦੇ ਚਿਹਰੇ ਦੇ ਹਾਵ ਭਾਵ ਵੇਖ ਕੇ ਸਿਕਿਉਰਟੀ ਮੈਨ ਦਾ ਸ਼ੱਕ ਹੋਰ ਵੱਧ ਗਿਆ। ਜਿਸ ਤੋਂ ਬਾਅਦ ਉਸਨੇ ਹੋਰ ਸੁਰੱਖਿਆ ਕਰਮੀਆਂ ਨੂੰ ਬੁਲਾਇਆ ਅਤੇ ਯੂਨੀਵਰਸਿਟੀ ਦੇ ਉੱਚ ਅਧਿਕਾਰੀਆਂ ਨੂੰ ਵੀ ਸੂਚਿਤ ਕੀਤਾ। ਸੁਰੱਖਿਆ ਕਰਮਚਾਰੀ ਨੂੰ ਸ਼ੱਕ ਪੈਣ ‘ਤੇ ਜਦ ਉਸ ਨੇ ਬੈਗ ਖੋਲਿਆ ਤਾਂ ਉਸਦੇ ਹੋਸ਼ ਉੱਡ ਗਏ ਇਸ ਵੱਡੇ ਟਰਾਲੀ ਬੈਗ ਵਿੱਚੋਂ ਕਾਲਜ ਦੀ ਹੀ ਇੱਕ ਲੜਕੀਆਂ ਦੇ ਹੋਸਟਲ ਵਿੱਚ ਰਹਿਣ ਵਾਲੀ ਇੱਕ ਵਿਦਿਆਰਥਣ ਨਿਕਲੀ। ਇਸ ਦੀ ਜਾਣਕਾਰੀ ਸੁਰੱਖਿਆ ਇੰਚਾਰਜ ਅਤੇ ਹੋਰ ਅਧਿਕਾਰੀਆਂ ਨੂੰ ਦਿੱਤੀ ਗਈ ਅਤੇ ਯੂਨੀਵਰਸਿਟੀ ਪ੍ਰਸ਼ਾਸਨ ਦੇ ਕੁਝ ਉੱਚ ਅਧਿਕਾਰੀ ਵੀ ਮੌਕੇ ‘ਤੇ ਪਹੁੰਚੇ। ਜਦੋਂ ਸੁਰੱਖਿਆ ਕਰਮਚਾਰੀਆਂ ਨੇ ਟਰਾਲੀ ਬੈਗ ਖੋਲਿਆ ਤਾਂ ਉਸ ਵੇਲੇ ਦਾ ਇੱਕ ਵੀਡੀਓ ਕਲਿੱਪ ਵੀ ਵਾਇਰਲ ਹੋ ਰਿਹਾ ਹੈ ਜਿਸ ਵਿੱਚ ਟਰਾਲੀ ਬੈਗ ਵਿੱਚ ਬੰਦ ਕੀਤੀ ਲੜਕੀ ਬਾਹਰ ਨਿਕਲਦੀ ਦਿਖਾਈ ਦੇ ਰਹੀ ਹੈ। ਵੀਡੀਓ ਵਾਇਰਲ ਹੋਣ ਤੋਂ ਬਾਅਦ ਯੂਨੀਵਰਸਿਟੀ ਪ੍ਰਸ਼ਾਸਨ ਤੁਰੰਤ ਹਰਕਤ ਵਿੱਚ ਆਇਆ ਅਤੇ ਇਸ ਸਾਰੇ ਮਾਮਲੇ ਸਬੰਧੀ ਜ਼ਿੰਮੇਵਾਰ ਵਿਦਿਆਰਥੀਆਂ ਨੂੰ ਨੋਟਿਸ ਦਿੱਤਾ ਗਿਆ ਹੈ। ਯੂਨੀਵਰਸਿਟੀ ਪ੍ਰਸ਼ਾਸਨ ਵੱਲੋਂ ਇਸ ਮਾਮਲੇ ਦੀ ਹੋਰ ਪੜ੍ਹਤਾਲ ਵੀ ਕੀਤੀ ਜਾ ਰਹੀ ਹੈ ਕਿ ਇਸ ਵਿੱਚ ਕੁੱਲ ਕਿੰਨੇ ਵਿਦਿਆਰਥੀ ਅਤੇ ਵਿਦਿਆਰਥਣਾਂ ਸ਼ਾਮਿਲ ਸਨ।
ਫੋਟੋ ਕੈਪਸ਼ਨ- ਟਰਾਲੀ ਬੈਗ ਨੂੰ ਖੋਲਦੇ ਸੁਰੱਖਿਆ ਕਰਮਚਾਰੀ ਅਤੇ ਬੈਗ ਵਿੱਚ ਦਿਖਾਈ ਦੇ ਰਹੀ ਲੜਕੀ
