ਚੰਡੀਗੜ੍ਹ, 20 ਫਰਵਰੀ, Gee98 news service
ਪਿਛਲੇ ਦਿਨੀਂ ਲੁਧਿਆਣਾ ਵਿਖੇ ਇੱਕ ਕਾਰੋਬਾਰੀ ਅਤੇ ਆਪ ਆਗੂ ਅਨੋਖ ਮਿੱਤਲ ਵੱਲੋਂ ਸੁਪਾਰੀ ਦੇ ਕੇ ਕਰਵਾਏ ਆਪਣੀ ਪਤਨੀ ਦੇ ਕਤਲ ਮਾਮਲੇ ਵਿੱਚ ਦੋਸ਼ੀ ਨੇ ਪੁਲਿਸ ਦੀ ਪੁੱਛਗਿੱਛ ਦੌਰਾਨ ਹੈਰਾਨੀਜਨਕ ਖੁਲਾਸੇ ਕੀਤੇ ਹਨ। ਦਰਅਸਲ ਅਨੋਖ ਮਿੱਤਲ ਆਪਣੀ ਦੁਕਾਨ ‘ਤੇ ਕੰਮ ਕਰਨ ਵਾਲੀ ਕੁੜੀ ਪ੍ਰਤੀਕਸਾ ਦੇ ਪਿਆਰ ਵਿੱਚ ਅੰਨ੍ਹਾ ਹੋ ਚੁੱਕਿਆ ਸੀ ਅਤੇ ਉਹ ਹਰ ਹਾਲਤ ਵਿੱਚ ਉਸ ਨਾਲ ਵਿਆਹ ਕਰਵਾਉਣਾ ਚਾਹੁੰਦਾ ਸੀ ਅਤੇ ਉਸਨੇ ਦੋ ਵਾਰ ਆਪਣੀ ਪ੍ਰੇਮਿਕਾ ਪ੍ਰਤੀਕਸਾ ਦਾ ਰੋਕਾ ਵੀ ਤੜਵਾ ਦਿੱਤਾ ਸੀ। ਜਦੋਂ ਵੀ ਪ੍ਰਤੀਕਸ਼ਾ ਦਾ ਪਰਿਵਾਰ ਰਿਸ਼ਤਾ ਟੁੱਟਣ ਦਾ ਕਾਰਨ ਜਾਣਨ ਦੀ ਕੋਸ਼ਿਸ਼ ਕਰਦਾ ਤਾਂ ਉਹ ਕੋਈ ਨਾ ਕੋਈ ਬਹਾਨਾ ਬਣਾ ਦਿੰਦੀ। ਹਾਲਾਂਕਿ, ਪ੍ਰਤੀਕਸ਼ਾ ਦੇ ਪਰਿਵਾਰ ਨੂੰ ਪ੍ਰਤੀਕਸ਼ਾ ਅਤੇ ਅਨੋਖ ਦੇ ਰਿਸ਼ਤੇ ਬਾਰੇ ਪਤਾ ਸੀ। ਪ੍ਰਤੀਕਸ਼ਾ ਦੇ ਪਰਿਵਾਰ ਨੇ ਤੀਜੀ ਵਾਰ ਵੀ ਉਸਦਾ ਰਿਸ਼ਤਾ ਤੈਅ ਕਰ ਦਿੱਤਾ ਸੀ ਤਾਂ ਜੋ ਉਹ ਜਲਦੀ ਵਿਆਹ ਕਰਵਾ ਸਕੇ। ਦੱਸਿਆ ਜਾ ਰਿਹਾ ਹੈ ਕਿ ਪ੍ਰਤੀਕਸ਼ਾ ਤੇ ਉਸਦੇ ਪਰਿਵਾਰਕ ਮੈਂਬਰ ਕਥਿਤ ਤੌਰ ‘ਤੇ ਅਨੋਖ ‘ਤੇ ਜਲਦੀ ਵਿਆਹ ਕਰਨ ਲਈ ਦਬਾਅ ਪਾ ਰਹੇ ਸਨ। ਜਦੋਂ ਅਨੋਖ ਨੂੰ ਲਿਪਸੀ ਤੋਂ ਛੁਟਕਾਰਾ ਪਾਉਣ ਦਾ ਕੋਈ ਤਰੀਕਾ ਨਹੀਂ ਮਿਲਿਆ ਤਾਂ ਉਸਨੇ ਉਸਨੂੰ ਮਾਰਨ ਦੀ ਸਾਜ਼ਿਸ਼ ਰਚੀ ਜਿਸ ਲਈ ਉਸਨੇ 2.5 ਲੱਖ ਰੁਪਏ ਵਿੱਚ ਸੌਦਾ ਤੈਅ ਕੀਤਾ। ਪ੍ਰਤੀਕਸ਼ਾ ਨੂੰ ਲਿਪਸੀ ਨੂੰ ਮਾਰਨ ਦੀ ਪੂਰੀ ਯੋਜਨਾ ਬਾਰੇ ਪਤਾ ਸੀ। ਏਡੀਸੀਪੀ 2 ਦੇਵ ਸਿੰਘ ਨੇ ਦੱਸਿਆ ਕਿ ਪ੍ਰਤੀਕਸ਼ਾ ਦੀ ਰਿੰਗ ਸੈਰੇਮਨੀ ਹੋ ਚੁੱਕੀ ਸੀ।ਉਸਦਾ ਪਰਿਵਾਰ ਵੀ ਜਲਦੀ ਹੀ ਉਸਦਾ ਵਿਆਹ ਕਰਵਾਉਣ ਦੀ ਤਿਆਰੀ ਕਰ ਰਿਹਾ ਸੀ ਜਿਸ ਬਾਰੇ ਅਨੋਖ ਨੂੰ ਪਤਾ ਸੀ। ਅਨੋਕ ਮਿੱਤਰ ਦੀ ਪ੍ਰੇਮਿਕਾ ਪ੍ਰਤੀਕਸਾ ਵੀ ਉਸਦੇ ਦਬਾਅ ਬਣਾ ਰਹੀ ਸੀ। ਜਦੋਂ ਅਨੋਖ ਨੂੰ ਲਿਪਸੀ ਨੂੰ ਆਪਣੀ ਜ਼ਿੰਦਗੀ ਤੋਂ ਹਟਾਉਣ ਦਾ ਕੋਈ ਤਰੀਕਾ ਨਹੀਂ ਸਮਝ ਆਇਆ ਤਾਂ ਉਸਨੇ ਉਸਨੂੰ ਮਾਰਨ ਦੀ ਸਾਜ਼ਿਸ਼ ਰਚੀ। ਪ੍ਰਤੀਕਸ਼ਾ ਨੂੰ ਵੀ ਲਿਪਸੀ ਦੇ ਕਤਲ ਦੀ ਪੂਰੀ ਯੋਜਨਾ ਦਾ ਪਤਾ ਸੀ ਪਰ ਉਸਨੇ ਕਿਸੇ ਨੂੰ ਵੀ ਕੁਝ ਨਹੀਂ ਦੱਸਿਆ ਤਾਂ ਜੋ ਉਹ ਲਿਪਸੀ ਨੂੰ ਜਲਦ ਜ਼ਿੰਦਗੀ ‘ਚੋਂ ਹਟਾ ਸਕੇ ਅਤੇ ਅਨੋਖ ਨਾਲ ਵਿਆਹ ਕਰਵਾ ਸਕੇ।
