ਚੰਡੀਗੜ੍ਹ-ਇਕ ਹਵਸੀ ਸਹੁਰੇ ਨੇ ਆਪਣੀ ਨੂੰਹ ਨਾਲ ਬਲਾਤਕਾਰ ਦੀ ਕੋਸ਼ਿਸ਼ ਕੀਤੀ ਪ੍ਰੰਤੂ ਜਦ ਨੂੰਹ ਵੱਲੋਂ ਵਿਰੋਧ ਕਰਨ ਦੇ ਬਾਵਜੂਦ ਵੀ ਸਹੁਰਾ ਨਾ ਟਲਿਆ ਤਾਂ ਨੂੰਹ ਨੇ ਚਾਕੂ ਮਾਰ ਮਾਰ ਕੇ ਸਹੁਰੇ ਦਾ ਕਤਲ ਕਰ ਦਿੱਤਾ । ਕਤਲ ਕਰਨ ਤੋਂ ਬਾਅਦ ਨੂੰਹ ਨੇ ਖ਼ੁਦ ਇਸ ਦੀ ਸੂਚਨਾ ਪੁਲਿਸ ਨੂੰ ਦਿੱਤੀ ਪ੍ਰੰਤੂ ਜਦ ਪੁਲਿਸ ਕਾਫ਼ੀ ਦੇਰ ਨਾ ਪਹੁੰਚੀ ਤਾਂ ਉਹ ਖ਼ੁਦ ਥਾਣੇ ਪਹੁੰਚ ਗਈ ਅਤੇ ਥਾਣਾ ਮੁਖੀ ਨੂੰ ਸਾਰੀ ਘਟਨਾ ਦੱਸ ਦਿੱਤੀ । ਪੁਲਿਸ ਨੇ ਮਹਿਲਾ ਨੂੰ ਹਿਰਾਸਤ ਵਿੱਚ ਲੈ ਲਿਆ ਅਤੇ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ । ਇਹ ਘਟਨਾ ਸੋਮਵਾਰ ਦੀ ਬਿਹਾਰ ਦੇ ਪੱਛਮ ਚੰਪਾਰਨ ਦੇ ਰਾਮਨਗਰ ਥਾਣਾ ਖੇਤਰ ਦੀ ਹੈ ਜਿੱਥੇ 32 ਸਾਲਾਂ ਔਰਤ ਨਾਲ ਉਸਦੇ ਸਹੁਰੇ ਵੱਲੋਂ ਜਬਰਦਸਤੀ ਦੀ ਕੋਸ਼ਿਸ਼ ਕੀਤੀ ਗਈ ਜਿਸ ਤੋਂ ਬਾਅਦ ਔਰਤ ਨੇ ਉਸ ਦਾ ਕਤਲ ਕਰ ਦਿੱਤਾ । ਸਬੰਧਿਤ ਔਰਤ ਦੇ ਪਤੀ ਨੇ ਇਸ ਮਾਮਲੇ ਵਿੱਚ ਦੱਸਿਆ ਕਿ ਪਹਿਲਾਂ ਵੀ ਕਈ ਵਾਰ ਉਸਦੇ ਪਿਤਾ ਵੱਲੋਂ ਜਬਰਦਸਤੀ ਦੀ ਕੋਸ਼ਿਸ਼ ਕੀਤੀ ਗਈ, ਇਸ ਮਾਮਲੇ ‘ਚ ਕਈ ਵਾਰ ਲੜਾਈ ਦੀ ਹੋਈ, ਇਸ ਸਬੰਧੀ ਕਈ ਵਾਰ ਪੰਚਾਇਤ ਵੀ ਜੁੜ ਕੇ ਬੈਠੀ ਪ੍ਰੰਤੂ ਉਸ ਦੀਆਂ ਹਰਕਤਾਂ ਵਿੱਚ ਕੋਈ ਸੁਧਾਰ ਨਹੀਂ ਹੋਇਆ । ਉਸ ਨੇ ਦੱਸਿਆ ਕਿ ਉਸ ਦੀ ਪਹਿਲੀ ਘਰਵਾਲੀ ਵੀ ਉਸਦੇ ਪਿਤਾ ਦੀਆਂ ਹਰਕਤਾਂ ਕਰਕੇ ਉਸ ਨੂੰ ਛੱਡ ਕੇ ਚਲੀ ਗਈ ਸੀ ਅਤੇ ਇਹ ਉਸਦਾ ਦੂਜਾ ਵਿਆਹ ਹੈ ਅਤੇ ਉਸਦੀ ਦੂਜੀ ਘਰਵਾਲੀ ਨੂੰ ਵੀ ਕਰੀਬ ਦਸ ਵਰ੍ਹਿਆਂ ਤੋਂ ਉਸ ਦੇ ਪਿਤਾ ਵੱਲੋਂ ਤੰਗ ਪ੍ਰੇਸ਼ਾਨ ਕੀਤਾ ਜਾ ਰਿਹਾ ਸੀ ।
Menu
