ਬਰਨਾਲਾ 20 ਅਪ੍ਰੈਲ ( ਜੀ98 ਨਿਊਜ਼ ਸਰਵਿਸ )-ਸ਼ਹਿਰ ਦੀ ਨਾਨਕਸਰ ਬਸਤੀ, ਵਾਰਡ ਨੰਬਰ 10 ਦੇ ਵਸਨੀਕ ਇੱਕ ਨੌਜਵਾਨ ਰਵੀ ਨੇ ਫਾਹਾ ਲਗਾ ਕੇ ਆਪਣੀ ਜੀਵਨ ਲੀਲਾ ਖ਼ਤਮ ਕਰ ਲਈ । ਪੁਲਿਸ ਨੇ ਮ੍ਰਿਤਕ ਰਵੀ ਦੀ ਮਾਤਾ ਲੱਛਮੀ ਦੇ ਬਿਆਨਾਂ ਦੇ ਅਧਾਰ ‘ਤੇ ਰਵੀ ਦੀ ਪਤਨੀ ਸਰੋਜ਼, ਸਹੁਰਾ ਸੰਮੀ,ਸੱਸ ਬਬਲੀ ਅਤੇ ਸਾਲੇ ਸਨੀ ਦੇ ਖ਼ਿਲਾਫ਼ ਮੁਕੱਦਮਾ ਦਰਜ ਕੀਤਾ ਹੈ। ਮਿਲੀ ਜਾਣਕਾਰੀ ਅਨੁਸਾਰ ਰਵੀ ਦੀ ਆਪਣੀ ਪਤਨੀ ਸਰੋਜ ਨਾਲ ਕੁਝ ਅਣਬਣ ਹੋਈ ਜਿਸ ਤੋਂ ਬਾਅਦ ਪਤਨੀ ਸਰੋਜ ਨੇ ਆਪਣੇ ਪੇਕੇ ਪਰਿਵਾਰ ਨੂੰ ਫੋਨ ਕਰਕੇ ਬੁਲਾਇਆ ਜਿੱਥੋਂ ਰਵੀ ਦਾ ਸਹੁਰਾ, ਸੱਸ ਅਤੇ ਸਾਲਾ ਕਾਰ ‘ਤੇ ਆਏ । ਉਹਨਾਂ ਨੇ ਰਵੀ ਦੇ ਘਰ ਆਉਣਸਾਰ ਹੀ ਰਵੀ ਦੀ ਕੁੱਟਮਾਰ ਕਰਨੀ ਸ਼ੁਰੂ ਕਰ ਦਿੱਤੀ । ਰਵੀ ਦੀ ਮਾਤਾ ਲੱਛਮੀ ਵੱਲੋਂ ਰੌਲਾ ਪਾਉਣ ‘ਤੇ ਮੁਹੱਲੇ ਵਾਲੇ ਲੋਕਾਂ ਨੇ ਇਕੱਠੇ ਹੋ ਕੇ ਰਵੀ ਨੂੰ ਛੁਡਵਾਇਆ । ਰਵੀ ਦੇ ਸਹੁਰਾ ਪਰਿਵਾਰਕ ਮੈਂਬਰ ਜਾਂਦੇ ਹੋਏ ਉਸਦੀ ਪਤਨੀ ਸਰੋਜ ਨੂੰ ਵੀ ਆਪਣੇ ਨਾਲ ਹੀ ਲੈ ਗਏ । ਲੋਕਾਂ ਸਾਹਮਣੇ ਸਹੁਰਾ ਪਰਿਵਾਰ ਤੋਂ ਆਪਣੀ ਕੁੱਟਮਾਰ ਅਤੇ ਜ਼ਲਾਲਤ ਤੋਂ ਪ੍ਰੇਸ਼ਾਨ ਰਵੀ ਨੇ ਫਾਹਾ ਲਗਾ ਕੇ ਆਤਮਹੱਤਿਆ ਕਰ ਲਈ । ਥਾਣਾ ਸਿਟੀ-2 ਦੇ ਐਸ ਐਚ ਓ ਗੁਰਮੇਲ ਸਿੰਘ ਨੇ ਦੱਸਿਆ ਕਿ ਪੁਲਿਸ ਦੋਸ਼ੀਆਂ ਦੀ ਗ੍ਰਿਫ਼ਤਾਰੀ ਲਈ ਛਾਪੇਮਾਰੀ ਕਰ ਰਹੀ ਹੈ ।
Menu
