ਬਰਨਾਲਾ, 28 ਨਵੰਬਰ (ਬਲਵਿੰਦਰ ਸ਼ਰਮਾ) :
ਆਈਟੀਆਈ ਇੰਪਲਾਈਜ਼ ਐਸੋਸੀਏਸ਼ਨ ਦੀ ਮੀਟਿੰਗ ਸਰਕਲ ਦੇ ਸਰਪ੍ਰਸਤ ਭਾਨ ਸਿੰਘ ਜੱਸੀ ਦੀ ਪ੍ਰਧਾਨਗੀ ਹੇਠ ਹੋਈ। ਜਿਸ ਵਿੱਚ ਸਮੂਹ ਆਈ.ਟੀ.ਆਈ ਹੋਲਡਰ ਸਰਕਲ ਬਰਨਾਲਾ ਦੇ ਸਾਥੀਆਂ ਨੇ ਭਾਗ ਲਿਆ ਅਤੇ ਵਿਸ਼ੇਸ ਤੌਰ ’ਤੇ ਆਈ.ਟੀ.ਆਈ ਦੇ ਪੰਜਾਬ ਜਨਰਲ ਸਕੱਤਰ ਦਵਿੰਦਰ ਸਿੰਘ ਪਿਸੋਰ, ਬਲਵਿੰਦਰ ਸਿੰਘ ਜੱਥੇਬੰਧਕ ਸਕੱਤਰ, ਸੁਖਰਾਜ ਸਿੰਘ ਤੇ ਆਈ.ਟੀ.ਆਈ ਪੰਜਾਬ ਦੇ ਸਾਬਕਾ ਜਨਰਲ ਸਕੱਤਰ ਜਰਨੈਲ ਸਿੰਘ ਨੇ ਸ਼ਮੂਲੀਅਤ ਕੀਤੀ। ਮੀਟਿੰਗ ਵਿੱਚ ਪਾਵਰਕਾਮ ਦੀ ਮੈਨੇਜਮੈਂਟ ਨਾਲ ਮੀਟਿੰਗ ਦੌਰਾਨ ਹੋਏ ਫੈਸਲਿਆਂ ਦੀ ਜਾਣਕਾਰੀ ਮੈਂਬਰਾਂ ਨੂੰ ਦਿੱਤੀ ਗਈ। ਸੂਬਾ ਪੱਧਰੀ ਆਗੂਆਂ ਨੇ ਦੱਸਿਆ ਕਿ ਬਿਜਲੀ ਮੁਲਾਜ਼ਮਾਂ ਦੀ ਮੋਬਾਇਲ ਭੱਤਾ ਤੇ ਲੋਡ ਦੁੱਗਣਾ ਕਰਨ, ਸਕੇਲ ਵਿੱਚ ਤਰੂੁਟੀਆਂ ਦੂਰ ਕਰਨ ਲਈ ਤਨਖ਼ਾਹ ਸੋਧ ਕਮੇਟੀ ਦਾ ਗਠਨ ਕੀਤਾ ਜਾਵੇਗਾ ਜਿਸ ਵਿੱਚ ਮੰਚ ਨੂੰ ਵੀ ਨੁਮਾਇਦਗੀ ਦਿੱਤੀ ਜਾਵੇਗੀ। ਇਸ ਤੋਂ ਇਲਾਵਾ ਸੀ.ਆਰ.ਏ 281 ਤਹਿਤ ਭਰਤੀ ਕੀਤੇ ਲਾਈਨਮੈਨਾਂ ਦੀ ਸੀਨੀਆਰਤਾ ਨੂੰ ਦੁਬਾਰਾ ਮੈਰਿਟ ਦੇ ਆਧਾਰ ’ਤੇ ਤਿਆਰ ਕਰਨ ਦਾ ਵੀ ਭਰੋਸਾ ਦਿੱਤਾ ਗਿਆ। ਮੀਟਿੰਗ ਨੂੰ ਸੰਬੋਧਨ ਕਰਦਿਆਂ ਪੰਜਾਬ ਦੇ ਸਾਬਕਾ ਸਰਕਲ ਸਕੱਤਰ ਜਰਨੈਲ ਸਿੰਘ ਚੀਮਾ ਨੇ ਦੱਸਿਆ ਆਈ.ਟੀ.ਆਈ. ਇੰਜੀਨੀਅਰ ਜੱਥੇਬੰਦੀ ਬਣਾਉਣ ਦਾ ਮਕਸਦ ਵੀ ਆਈ.ਟੀ.ਆਈ. ਹੋਲਡਰ ਮੁਲਾਜ਼ਮਾਂ ਨਾਲ ਹੰੁਦੇ ਧੱਕੇ ਨੂੰ ਦੂਰ ਕਰਨਾ ਸੀ। ਇਸ ਮੌਕੇ ਧੂਰੀ ਡਵੀਜ਼ਨ ਪ੍ਰਧਾਨ ਗੁਰਪਿੰਦਰ ਸਿੰਘ ਦਹੇਰੂ ਨੇ ਸ.ਲ.ਮ ਨੂੰ ਜਲਦੀ ਲ.ਮ. ਬਣਾਉਣ ਸਬੰਧੀ ਸਟੇਟ ਕਮੇਟੀ ਨੂੰ ਅਪੀਲ ਕੀਤੀ। ਇਸ ਤੋਂ ਇਲਾਵਾ ਸਿਟੀ ਡਵੀਜ਼ਨ ਪ੍ਰਧਾਨ ਇੰਜ. ਬਲਜੀਤ ਸਿੰਘ ਜੇ.ਈ ਨੇ ਕੋਰਟ ਕੇਸਾਂ ਕਰਕੇ ਰੁਕੀਆਂ ਪ੍ਰਮੋਸ਼ਨਾਂ ਦਾ ਮਸਲਾ ਵੀ ਚੁੱਕਿਆ। ਇਸ ਮੌਕੇ ਇੰਜੀਨੀਅਰ ਰਣਜੀਤ ਕੁਮਾਰ ਚੀਮਾ ਨੂੰ ਸਰਕਲ ਪ੍ਰਧਾਨ ਬਣਾਇਆ ਗਿਆ। ਇਸ ਮੌਕੇ ਬਲਵਿੰਦਰ ਸਿੰਘ, ਸੁਖਰਾਜ ਸਿੰਘ, ਇੰਜ. ਸੁਖਵਿੰਦਰ ਸਿੰਘ ਸੰਘੇੜਾ, ਇੰਜ. ਪ੍ਰਗਟ ਸਿੰਘ ਤਪਾ, ਸਰਕਲ ਆਗੂ ਮਨਜੀਤ ਸਿੰਘ ਲੱਡਾ, ਬੇਅੰਤ ਸਿੰਘ, ਇੰਜ. ਸੁਖਵਿੰਦਰ ਸਿੰਘ ਭੈਣੀ ਆਦਿ ਨੇ ਸੰਬੋਧਨ ਕੀਤਾ। ਮੀਟਿੰਗ ਦੀ ਕਾਰਵਾਈ ਇੰਜ. ਗੁੁਰਲਾਭ ਸਿੰਘ ਜੇ.ਈ, ਸਰਕਲ ਸਕੱਤਰ ਨੇ ਨਿਭਾਈ। ਇਸ ਮੌਕੇ ਸਰਕਲ ਦੇ ਸਰਪ੍ਰਸਤ ਭਾਨ ਸਿੰਘ ਜੱਸੀ ਨੇ ਸਾਥੀਆਂ ਨੂੰ ਸਮਾਜਿਕ ਕੰਮਾਂ ਵਿੱਚ ਵੱਧ ਚੜ ਕੇ ਲੋਕਾਂ ਦੀ ਮਦਦ ਕਰਨ ਦੀ ਅਪੀਲ ਕੀਤੀ। ਮੀਟਿੰਗ ਵਿੱਚ ਜਰਨੈਲ ਸਿੰਘ ਚੀਮਾ, ਬਲਵਿੰਦਰ ਸਿੰਘ ਜਖੇਪਾਲ ਤੇ ਭਾਨ ਸਿੰਘ ਜੱਸੀ ਨੂੰ ਸਨਮਾਨਿਤ ਕੀਤਾ ਗਿਆ।
