ਚੰਡੀਗੜ੍ਹ,24 ਦਸੰਬਰ, Gee98 news service
-ਸਾਲ ਦੀ ਸ਼ੁਰੂਆਤ ਨਾਲ 1 ਜਨਵਰੀ ਤੋਂ ਕਈ ਵੱਡੇ ਬਦਲਾਅ ਹੋਣ ਜਾ ਰਹੇ ਹਨ ਜਿਨਾਂ ਦਾ ਸਰਕਾਰ ਤੇ ਕੁਝ ਕੰਪਨੀਆਂ ਨੇ ਪਹਿਲਾਂ ਹੀ ਐਲਾਨ ਕੀਤਾ ਹੋਇਆ ਹੈ। ਇਹਨਾਂ ਬਦਲ ਰਹੇ ਨਿਯਮਾਂ ਬਾਰੇ ਅਸੀਂ ਤੁਹਾਨੂੰ ਮੁੱਖ ਜਾਣਕਾਰੀ ਦੇ ਰਹੇ ਹਾਂ ਤਾਂ ਜੋ ਤੁਸੀਂ ਆਪਣੀ ਯੋਜਨਾ ਬਣਾ ਸਕੋ। ਭਾਰਤੀ ਰਿਜ਼ਰਵ ਬੈਂਕ ਨੇ UPI 123Pay ਨਾਲ ਜੁੜੇ ਨਿਯਮਾਂ ਵਿੱਚ ਬਦਲਾਅ ਕੀਤਾ ਹੈ। ਭੁਗਤਾਨ ਦੀ ਸੀਮਾ ਦੁੱਗਣੀ ਕਰ ਦਿੱਤੀ ਗਈ ਹੈ। ਹੁਣ ਗਾਹਕ ਬਿਨਾਂ ਇੰਟਰਨੈੱਟ ਦੇ 5,000 ਰੁਪਏ ਨਹੀਂ ਸਗੋਂ 10,000 ਰੁਪਏ ਤੱਕ ਦਾ ਲੈਣ-ਦੇਣ ਕਰ ਸਕਣਗੇ। RBI ਨੇ ਕਿਸਾਨਾਂ ਲਈ ਬਿਨਾਂ ਗਰੰਟੀ ਦੇ ਕਰਜ਼ੇ ਦੀ ਸੀਮਾ ਵਧਾ ਦਿੱਤੀ ਹੈ। ਹੁਣ ਕਿਸਾਨ ਨੂੰ 1 ਜਨਵਰੀ ਤੋਂ 1.6 ਲੱਖ ਰੁਪਏ ਦਾ ਨਹੀਂ ਸਗੋਂ 2 ਲੱਖ ਰੁਪਏ ਤੱਕ ਦਾ ਕਰਜ਼ਾ ਮਿਲੇਗਾ। ਸਰਕਾਰ ਨੇ ਨਵੇਂ ਸਾਲ ਤੋਂ ਪਹਿਲਾਂ EPFO ਪੈਨਸ਼ਨਰਾਂ ਅਤੇ ਕਰਮਚਾਰੀਆਂ ਨੂੰ ਤੋਹਫਾ ਦਿੱਤਾ ਹੈ। ਨਵੀਂ ਸੇਵਾ ਸ਼ੁਰੂ ਕੀਤੀ ਗਈ ਹੈ। ਹੁਣ ਪੈਨਸ਼ਨਰ ਦੇਸ਼ ਦੇ ਕਿਸੇ ਵੀ ਬੈਂਕ ਤੋਂ ਆਪਣੀ ਪੈਨਸ਼ਨ ਦੀ ਰਾਸ਼ੀ ਰਕਮ ਕਢਵਾ ਸਕਣਗੇ। ਬੈਂਕ ਜਾ ਕੇ ਵੈਰੀਫਿਕੇਸ਼ਨ ਦੀ ਲੋੜ ਨਹੀਂ ਪਵੇਗੀ। ਥਾਈਲੈਂਡ ਜਾਣ ਲਈ ਈ-ਵੀਜ਼ਾ ਪ੍ਰਣਾਲੀ ਲਾਗੂ ਹੋਣ ਵਾਲੀ ਹੈ। ਇਸ ਦਾ ਫਾਇਦਾ ਭਾਰਤੀਆਂ ਨੂੰ ਮਿਲੇਗਾ। ਇਸ ਤਹਿਤ ਸੈਰ-ਸਪਾਟਾ ਅਤੇ ਕਾਰੋਬਾਰ ਲਈ 60 ਦਿਨਾਂ ਤੱਕ ਦੀ ਵੀਜ਼ਾ ਛੋਟ ਮਿਲੇਗੀ। ਇਹ ਨਿਯਮ 1 ਜਨਵਰੀ ਤੋਂ ਲਾਗੂ ਹੋਵੇਗਾ।ਸਰਕਾਰ ਟੈਲੀਕਾਮ ਕੰਪਨੀਆਂ (Jio, Airtel, BSNL ਆਦਿ) ਲਈ ਨਿਯਮ ਬਦਲਣ ਜਾ ਰਹੀ ਹੈ। ਹੁਣ ਕੰਪਨੀਆਂ ਆਪਣੀਆਂ ਸੇਵਾਵਾਂ ਦੇ ਵਿਸਥਾਰ ਲਈ ਇੱਕੋ ਜਗ੍ਹਾ ਤੋਂ ਇਜਾਜ਼ਤ ਮਿਲੇਗੀ। ਕੰਪਨੀਆਂ ਨੂੰ ਆਪਟੀਕਲ ਫਾਈਬਰ ਅਤੇ ਨਵੇਂ ਮੋਬਾਈਲ ਟਾਵਰ ਲਗਾਉਣ ‘ਤੇ ਧਿਆਨ ਦੇਣਾ ਹੋਵੇਗਾ ਇਸ ਨਾਲ ਨੈੱਟਵਰਕ ਸੇਵਾ ‘ਚ ਸੁਧਾਰ ਹੋਵੇਗਾ।ਰੁਪੇ ਕ੍ਰੈਡਿਟ ਕਾਰਡ ਲਾਉਂਜ ਐਕਸੈਸ ਵਿੱਚ ਬਦਲਾਅ ਹੋਣ ਜਾ ਰਿਹਾ ਹੈ। ਜਨਤਕ ਖੇਤਰ ਦੇ ਬੈਂਕ ਆਫ ਬੜੌਦਾ ਨੇ ਵੀ ਕ੍ਰੈਡਿਟ ਕਾਰਡ ਲਾਉਂਜ ਐਕਸੈਸ ਵਿੱਚ ਬਦਲਾਅ ਦਾ ਐਲਾਨ ਕੀਤਾ ਹੈ। ਹੁਣ ਉਪਭੋਗਤਾ ਘਰੇਲੂ ਹਵਾਈ ਅੱਡਿਆਂ ‘ਤੇ ਲਾਉਂਜ ਐਕਸੈਸ ਦਾ ਆਨੰਦ ਲੈ ਸਕਦੇ ਹੋ।LPG ਸਿਲੰਡਰ ਦੀ ਕੀਮਤ ਵੀ 1 ਜਨਵਰੀ ਨੂੰ ਅਪਡੇਟ ਕੀਤੀ ਜਾਵੇਗੀ। ਦਸੰਬਰ ਦੀ ਸ਼ੁਰੂਆਤ ‘ਚ 19 ਕਿਲੋ ਦਾ ਕਮਰਸ਼ੀਅਲ ਐਲਪੀਜੀ ਸਿਲੰਡਰ 16.50 ਰੁਪਏ ਮਹਿੰਗਾ ਹੋ ਗਿਆ ਸੀ। ਮਾਰੂਤੀ ਸੁਜ਼ੂਕੀ, ਹੁੰਡਈ, ਟਾਟਾ, ਮਹਿੰਦਰਾ ਸਮੇਤ ਕਈ ਕੰਪਨੀਆਂ ਕਾਰਾਂ ਦੀ ਕੀਮਤ 4% ਵਧਾਉਣ ਜਾ ਰਹੀਆਂ ਹਨ। BMW ਅਤੇ ਮਰਸਡੀਜ਼ ਵੀ ਗੱਡੀਆਂ ਮਹਿੰਗੀਆਂ ਕਰ ਦੇਣਗੀਆਂ। 1 ਜਨਵਰੀ ਤੋਂ ਆਟੋਮੋਬਾਈਲ ਬਾਜ਼ਾਰ ‘ਚ ਵਾਹਨ ਮਹਿੰਗੇ ਹੋ ਜਾਣਗੇ। ਦਸੰਬਰ ਵਿੱਚ ਬੁਕਿੰਗ ਲਾਭਦਾਇਕ ਹੋ ਸਕਦੀ ਹੈ।ਰਾਸ਼ਨ ਕਾਰਡ ਸਕੀਮ ਵਿੱਚ ਕਈ ਬਦਲਾਅ ਕੀਤੇ ਗਏ ਹਨ। ਨਵੇਂ ਨਿਯਮ 1 ਜਨਵਰੀ 2025 ਤੋਂ ਲਾਗੂ ਹੋਣਗੇ। ਅਨਾਜ ਦੀ ਮਾਤਰਾ ਬਦਲ ਦਿੱਤੀ ਗਈ ਹੈ। ਈ-ਕੇਵਾਈਸੀ ਕਰਵਾਉਣਾ ਲਾਜ਼ਮੀ ਹੋਵੇਗਾ, ਆਖਰੀ ਮਿਤੀ 31 ਦਸੰਬਰ, 2024 ਹੈ। ਸ਼ਰਤਾਂ ਪੂਰੀਆਂ ਨਾ ਹੋਣ ‘ਤੇ ਰਾਸ਼ਨ ਕਾਰਡ ਵੀ ਰੱਦ ਹੋ ਸਕਦਾ ਹੈ। ਉਪਰੋਕਤ ਬਦਲ ਰਹੇ ਸਾਰੇ ਨਿਯਮ 1 ਜਨਵਰੀ 2025 ਤੋਂ ਲਾਗੂ ਹੋ ਰਹੇ ਹਨ।
