ਚੰਡੀਗੜ੍ਹ,17 ਸਤੰਬਰ, Gee98 news service
-ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਮਾਨ ਨੇ ਇੱਕ ਵਾਰ ਫੇਰ ਪਾਕਿਸਤਾਨੀ ਪੱਤਰਕਾਰ ਅਰੂਸਾ ਆਲਮ ਸੰਬੰਧੀ ਗੱਲਬਾਤ ਕਰਦੇ ਹੋਏ ਚੁਟਕੀ ਲਈ ਹੈ। ਜਦੋਂ ਵੀ ਕਦੇ ਕੋਈ ਪੱਤਰਕਾਰ ਭਗਵੰਤ ਮਾਨ ਨੂੰ ਅਰੂਸਾ ਆਲਮ ਨਾਲ ਸਬੰਧਿਤ ਸਵਾਲ ਕਰਦਾ ਹੈ ਤਾਂ ਭਗਵੰਤ ਮਾਨ ਹਮੇਸ਼ਾ ਦਿਲਚਸਪ ਜਵਾਬ ਦਿੰਦੇ ਹਨ। ਇੱਕ ਨਿੱਜੀ ਟੀਵੀ ਚੈਨਲ ਦੇ ਸਮਾਗਮ ‘ਚ ਸ਼ਾਮਿਲ ਹੁੰਦੇ ਹੋਏ ਭਗਵੰਤ ਮਾਨ ਨੇ ਕਿਹਾ ਕਿ ਅਰੂਸਾ ਆਲਮ ਕੋਈ ਆਮ ਔਰਤ ਨਹੀਂ ਸੀ ਉਹ ਪਾਕਿਸਤਾਨੀ ਪੱਤਰਕਾਰ ਸੀ। ਉਹਨਾਂ ਕਿਹਾ ਕਿ ਅਰੂਸਾ ਆਲਮ ਸਾਡੇ ਸਾਬਕਾ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਦੀ ਖਾਸ ਮਿੱਤਰ ਵਜੋਂ ਪੰਜਾਬ ਦੇ ਸੀਐਮ ਹਾਊਸ ਵਿੱਚ ਰਹਿ ਰਹੀ ਸੀ। ਭਗਵੰਤ ਮਾਨ ਨੇ ਕਿਹਾ ਕਿ ਜਦੋਂ ਉਹ ਪੰਜਾਬ ਦੇ ਮੁੱਖ ਮੰਤਰੀ ਬਣੇ ਤਾਂ ਉਹਨਾਂ ਨੂੰ ਦੱਸਿਆ ਗਿਆ ਕਿ ਸੀਐਮ ਹਾਊਸ ਦੇ ਇੱਕ ਕਮਰੇ ਵਿੱਚ ਅਰੂਸਾ ਆਲਮ ਵੀ ਰਹਿੰਦੀ ਰਹੀ ਹੈ, ਜਿਸ ਤੋਂ ਬਾਅਦ ਉਨਾਂ ਨੇ ਦੋ ਵਾਰ ਸੀਐਮ ਹਾਊਸ ਵਿੱਚ ਪਾਠ ਕਰਵਾਇਆ। ਦੱਸ ਦੇਈਏ ਕਿ ਭਗਵੰਤ ਮਾਨ ਦੇ ਕੋਲ ਜਦ ਵੀ ਕਦੇ ਕੈਪਟਨ ਅਮਰਿੰਦਰ ਸਿੰਘ ਦੀ ਕੋਈ ਗੱਲ ਚਲਦੀ ਹੈ ਤਾਂ ਉਹ ਅਰੂਸਾ ਆਲਮ ਦਾ ਜ਼ਿਕਰ ਕਰਦੇ ਹੋਏ ਦਿਲਚਸਪ ਚੁਟਕੀ ਲੈਂਦੇ ਹਨ। ਪੰਜਾਬ ਦੇ ਸੀਐਮ ਹਾਊਸ ਵਿੱਚ ਕੈਪਟਨ ਅਮਰਿੰਦਰ ਸਿੰਘ ਦੇ ਮੁੱਖ ਮੰਤਰੀ ਹੁੰਦੇ ਹੋਏ ਅਰੂਸਾ ਆਲਮ ਦੇ ਰਹਿਣ ਕਰਕੇ ਸੀਐਮ ਹਾਊਸ ਵਿੱਚ ਭਗਵੰਤ ਮਾਨ ਵੱਲੋਂ ਦੋ ਵਾਰੀ ਪਾਠ ਕਰਵਾਏ ਜਾਣ ਦੀ ਗੱਲ ਨੂੰ ਵੀ ਲੋਕ ਦਿਲਚਸਪੀ ਦੇ ਨਜ਼ਰੀਏ ਤੋਂ ਹੀ ਵੇਖ ਰਹੇ ਹਨ, ਸਗੋਂ ਇਹ ਕੈਪਟਨ ਅਮਰਿੰਦਰ ਸਿੰਘ ਅਤੇ ਅਰੂਸਾ ਆਲਮ ਦੇ ਸੰਬੰਧਾਂ ‘ਤੇ ਇੱਕ ਕਰਾਰੀ ਟਿੱਪਣੀ ਵੀ ਹੈ ਅਤੇ ਅਜਿਹੀ ਕਰਾਰੀ/ਦਿਲਚਸਪ ਟਿੱਪਣੀ ਵੱਖਰੇ ਅੰਦਾਜ਼ ਅਤੇ ਵੱਖਰੇ ਲਫਜ਼ਾਂ ਦੀ ਵਰਤੋਂ ਕਰਦੇ ਹੋਏ ਸਿਰਫ ਭਗਵੰਤ ਮਾਨ ਹੀ ਕਰ ਸਕਦੇ ਹਨ ਕਿਉਂਕਿ ਭਗਵੰਤ ਮਾਨ ਕੋਲ ਸ਼ਬਦਾਂ ਦਾ ਖਜ਼ਾਨਾ ਹੈ ਅਤੇ ਇਹਨਾਂ ਸ਼ਬਦਾਂ ਕਰਕੇ ਹੀ ਉਹਨਾਂ ਨੇ ਬਤੌਰ ਕਾਮੇਡੀਅਨ ਕਈ ਸਾਲ ਲੋਕਾਂ ਦੇ ਦਿਲਾਂ ‘ਤੇ ਰਾਜ ਕੀਤਾ। ਇਸ ਵਿੱਚ ਵੀ ਕੋਈ ਸ਼ੱਕ ਨਹੀਂ ਕਿ ਆਪਣੀ ਗੱਲ ਕਰਨ ਦੇ ਲਹਿਜੇ ਅਤੇ ਹਾਜ਼ਰਜਵਾਬੀ ਦੇ ਕਾਰਨ ਵਿਧਾਨ ਸਭਾ ਦੇ ਅੰਦਰ ਅਤੇ ਬਾਹਰ ਭਗਵੰਤ ਮਾਨ ਬਤੌਰ ਮੁੱਖ ਮੰਤਰੀ ਆਪਣੇ ਵਿਰੋਧੀਆਂ ਤੋਂ ਬਹਿਸ ਦੌਰਾਨ ਅੱਗੇ ਨਿਕਲ ਜਾਂਦੇ ਹਨ।
Menu
