ਚੰਡੀਗੜ੍ਹ,13 ਅਪ੍ਰੈਲ, Gee98 news service
-ਲੋਕ ਸਭਾ ਹਲਕਾ ਖਡੂਰ ਸਾਹਿਬ ਤੋਂ ਆਮ ਆਦਮੀ ਪਾਰਟੀ ਦੇ ਉਮੀਦਵਾਰ ਅਤੇ ਪੰਜਾਬ ਦੇ ਮੰਤਰੀ ਲਾਲਜੀਤ ਸਿੰਘ ਭੁੱਲਰ ਨੇ ਆਪਣੇ ਸਿਆਸੀ ਵਿਰੋਧੀ ਕਾਂਗਰਸ ਦੇ ਸਾਬਕਾ ਐਮਐਲਏ ਹਰਮਿੰਦਰ ਸਿੰਘ ਗਿੱਲ ‘ਤੇ ਨਿੱਜੀ ਟਿੱਪਣੀਆਂ ਕਰਕੇ ਆਪਣੀ ਅਕਲ ਦਾ ਜਲੂਸ ਕੱਢ ਲਿਆ। ਮੰਤਰੀ ਭੁੱਲਰ ਨੇ ਇੱਕ ਚੋਣ ਰੈਲੀ ‘ਚ ਆਪਣੇ ਭਾਸ਼ਣ ਦੌਰਾਨ ਹਰਮਿੰਦਰ ਸਿੰਘ ਗਿੱਲ ‘ਤੇ ਅਜਿਹੇ ਸ਼ਬਦਾਂ ਦੀ ਵਰਤੋਂ ਕੀਤੀ ਜਿਹੜੇ ਸ਼ਬਦ ਲਿਖਦੇ ਹੋਏ ਵੀ ਸ਼ਰਮ ਮਹਿਸੂਸ ਹੁੰਦੀ ਹੈ। ਮੰਤਰੀ ਭੁੱਲਰ ਨੇ ਸਿਰਫ਼ ਹਰਮਿੰਦਰ ਗਿੱਲ ਬਾਰੇ ਹੀ ਨਹੀਂ ਸਗੋਂ ਉਹਨਾਂ ਦੀ ਪਤਨੀ ਬਾਰੇ ਵੀ ਬਹੁਤ ਹੀ ਘਟੀਆਂ ਟਿੱਪਣੀਆਂ ਕੀਤੀਆਂ। ਮੰਤਰੀ ਭੁੱਲਰ ਨੇ ਆਪਣੇ ਭਾਸ਼ਣ ਦੌਰਾਨ ਹੰਕਾਰ ਦੀ ਚੋਟੀ ‘ਤੇ ਜਾਂਦੇ ਹੋਏ ਹਰਮਿੰਦਰ ਗਿੱਲ ਦੀ ਪਤਨੀ ਬਾਰੇ ਕਿਹਾ ਕਿ “ਮੈਨੂੰ ਪਤਾ ਇਹਦਾ ਪਰਿਵਾਰ ਅੰਮ੍ਰਿਤਸਰ ਇੱਕ ਜਿੰਮ ਵਾਲੇ ਨਾਲ ਕੀ ਕਰਦਾ ਰਿਹਾ”। ਆਪ ਦੇ ਉਮੀਦਵਾਰ ਮੰਤਰੀ ਭੁੱਲਰ ਨੇ ਸਿਰੇ ਦੀ ਘਟੀਆ ਸ਼ਬਦਾਵਲੀ ਵਰਤਦੇ ਹੋਏ ਸਾਬਕਾ ਐਮਐਲਏ ਹਰਮਿੰਦਰ ਸਿੰਘ ਗਿੱਲ ਦੇ ਫਿਰੋਜ਼ਪੁਰ ਜੇਲ੍ਹ ਵਿੱਚ ਬੰਦ ਰਹਿੰਦੇ ਹੋਏ ਇੱਕ ਮਜਬੀ ਸਿੱਖ ਬਰਾਦਰੀ ਦੇ ਕੈਦੀ ਨਾਲ ਮਾੜੇ ਸੰਬੰਧਾਂ ਦਾ ਜ਼ਿਕਰ ਵੀ ਆਪਣੇ ਭਾਸ਼ਣ ਵਿੱਚ ਕੀਤਾ। ਆਪਣੇ ਭਾਸ਼ਣ ਦੌਰਾਨ ਜਾਤੀਵਾਦ ਦੇ ਹੰਕਾਰ ਦਾ ਖ਼ੂਬ ਮੁਜਾਹਰਾ ਕਰਦੇ ਹੋਏ ਮੰਤਰੀ ਲਾਲਜੀਤ ਭੁੱਲਰ ਨੇ ਸਾਬਕਾ ਐਮਐਲਏ ਹਰਮਿੰਦਰ ਸਿੰਘ ਗਿੱਲ ਨੂੰ ਜਿੱਥੇ ਮਰਜ਼ੀ ਟੱਕਰਨ ਲਈ ਵੰਗਾਰਦੇ ਹੋਏ ਕਿਹਾ ਕਿ “ਉਹ ਲਾਹੌਰੀਆ ਜੱਟ ਹੈ.. ਕੋਈ ਗੁੱਲੀਘੜ ਜਾਂ ਸੁਨਿਆਰਾ ਨਹੀਂ, ਜੋ ਡਰ ਜਾਵੇਗਾ…ਜਿੱਥੇ ਮਰਜ਼ੀ ਟੱਕਰ ਲਵੀਂ “। ਮੰਤਰੀ ਭੁੱਲਰ ਦੇ ਇਸ ਹੰਕਾਰੀ ਅਤੇ ਗੰਦੇ ਸ਼ਬਦਾਂ ਵਾਲੇ ਭਾਸ਼ਣ ਦੀ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਹੀ ਹੈ, ਜਿਸ ਦੀਆਂ ਟਿੱਪਣੀਆਂ ਵਿੱਚ ਲੋਕਾਂ ਵੱਲੋਂ ਮੁੱਖ ਮੰਤਰੀ ਭਗਵੰਤ ਮਾਨ ਨੂੰ ਵੀ ਨਿਸ਼ਾਨਾ ਬਣਾਇਆ ਜਾ ਰਿਹਾ ਹੈ ਕਿਉਂਕਿ ਉਹਨਾਂ ਦੇ ਇੱਕ ਮੰਤਰੀ ਨੇ ਸਾਰੀਆਂ ਹੱਦਾਂ ਪਾਰ ਕਰ ਦਿੱਤੀਆਂ ਹਨ।
Menu
