ਚੰਡੀਗੜ੍ਹ,19 ਮਾਰਚ, Gee98 news service
-ਇੱਕ ਪਰਾਈ ਔਰਤ ਨਾਲ ਇੱਕ ਗੈਸਟ ਹਾਊਸ ਵਿੱਚ ਰੰਗਰਲੀਆਂ ਮਨਾ ਰਹੇ ਪਤੀ ਨੂੰ ਉਸਦੀ ਪਤਨੀ ਨੇ ਰੰਗੇ ਹੱਥੀ ਫੜਿਆ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਜਲੰਧਰ ਦੀ ਰਹਿਣ ਵਾਲੀ ਇੱਕ ਗਰਭਵਤੀ ਔਰਤ ਕਪੂਰਥਲਾ ਦੇ ਸਰਕੂਲਰ ਰੋਡ ‘ਤੇ ਸਥਿਤ ਇੱਕ ਪੀਐਮ ਗੈਸਟ ਹਾਊਸ ਵਿੱਚ ਪੁੱਜੀ ਅਤੇ ਗੈਸਟ ਹਾਊਸ ਦੇ ਬਾਹਰ ਉਸਨੇ ਆਪਣੇ ਪਤੀ ਦੀ ਬਾਈਕ ਪਛਾਣ ਕੇ ਗੈਸਟ ਹਾਊਸ ਦੇ ਸਟਾਫ ਤੋਂ ਬਾਈਕ ਦੇ ਮਾਲਕ ਸਬੰਧੀ ਪੁੱਛਗਿੱਛ ਕੀਤੀ ਪ੍ਰੰਤੂ ਸਟਾਫ ਨੇ ਉਸ ਨੂੰ ਕੁਝ ਨਾ ਦੱਸਿਆ ਜਿਸ ਤੋਂ ਬਾਅਦ ਉਸ ਔਰਤ ਨੇ ਮੌਕੇ ‘ਤੇ ਪੁਲਿਸ ਬੁਲਾ ਲਈ। ਪੁਲਿਸ ਟੀਮ ਦੀ ਮੌਜੂਦਗੀ ‘ਚ ਔਰਤ ਨੇ ਆਪਣੇ ਪਤੀ ਨੂੰ ਇੱਕ ਹੋਰ ਔਰਤ ਨਾਲ ਗੈਸਟ ਉਸ ਦੇ ਕਮਰੇ ਚੋਂ ਰੰਗੇ ਹੱਥੀ ਕਾਬੂ ਕੀਤਾ, ਜਿਸ ਤੋਂ ਬਾਅਦ ਉੱਥੇ ਕਾਫੀ ਹੰਗਾਮਾ ਹੋਇਆ ਪ੍ਰੰਤੂ ਇਸ ਤੋਂ ਬਾਅਦ ਵਾਪਰੀ ਕਹਾਣੀ ਅਨੁਸਾਰ ਪਤੀ ਦੇ ਨਾਲ ਆਈ ਔਰਤ ਤੇ ਪਤੀ ਨੇ ਲਿਖਤੀ ਤੌਰ ‘ਤੇ ਪਤਨੀ ਤੋਂ ਮਾਫ਼ੀ ਮੰਗੀ ਅਤੇ ਅੱਗੇ ਤੋਂ ਅਜਿਹਾ ਨਾ ਕਰਨ ਦੀ ਤੌਬਾ ਕੀਤੀ ਜਿਸ ਤੋਂ ਬਾਅਦ ਪਤਨੀ ਨੇ ਆਪਣੇ ਪਤੀ ਅਤੇ ਪਰਾਈ ਔਰਤ ਨੂੰ ਮਾਫ ਕਰਦੇ ਹੋਏ ਪੁਲਿਸ ਪਾਰਟੀ ਨੂੰ ਦੋਵਾਂ ਦੇ ਖਿਲਾਫ ਕੋਈ ਕਾਰਵਾਈ ਨਾ ਕਰਨ ਦਾ ਲਿਖਤੀ ਬਿਆਨ ਵੀ ਦਿੱਤਾ। ਦੂਜੇ ਪਾਸੇ ਇਸ ਮਾਮਲੇ ਵਿੱਚ ਡੀਐਸਪੀ ਹਰਪ੍ਰੀਤ ਸਿੰਘ ਨੇ ਕਿਹਾ ਕਿ ਭਾਵੇਂ ਆਪਣੇ ਪਤੀ ਦਾ ਪਿੱਛਾ ਕਰਕੇ ਰੇਡ ਕਰਨ ਵਾਲੀ ਔਰਤ ਨੇ ਪਤੀ ਅਤੇ ਪਰਾਈ ਔਰਤ ਨੂੰ ਮਾਫ ਕਰ ਦਿੱਤਾ ਪ੍ਰੰਤੂ ਪੁਲਿਸ ਇਸ ਗੈਸਟ ਹਾਊਸ ਵਿੱਚ ਚੱਲ ਰਹੀਆਂ ਗਤੀਵਿਧੀਆਂ ਦੀ ਜਾਂਚ ਕਰੇਗੀ ਅਤੇ ਇਸ ਗੈਸਟ ਹਾਊਸ ਨੂੰ ਫਿਲਹਾਲ ਸੀਲ ਵੀ ਕਰ ਦਿੱਤਾ ਗਿਆ ਹੈ। ਜ਼ਿਕਰਯੋਗ ਹੈ ਕਿ ਇਸ ਪੀਐਮ ਗੈਸਟ ਹਾਊਸ ‘ਤੇ ਲੱਗੇ ਫਲੈਕਸ ਬੋਰਡ ਉੱਪਰ ਅੰਗਰੇਜੀ ਵਿੱਚ ਲਿਖੇ ਸ਼ਬਦ “PAY LESS ENJOY MORE” ਵੀ ਚਰਚਾ ਦਾ ਵਿਸ਼ਾ ਬਣੇ ਹੋਏ ਹਨ।
Menu
