ਚੰਡੀਗੜ੍ਹ,15 ਦਸੰਬਰ-ਇੱਕ ਸੜਕ ਹਾਦਸੇ ਵਿੱਚ ਵਿਆਹ ਤੋਂ ਦੋ ਦਿਨਾਂ ਬਾਅਦ ਹੀ ਇੱਕ ਨੌਜਵਾਨ ਮੌਤ ਹੋਣ ਦੀ ਦਰਦਨਾਕ ਖ਼ਬਰ ਹੈ। ਮ੍ਰਿਤਕ ਨੌਜਵਾਨ ਸਨਮਦੀਪ ਸਿੰਘ ਮਾਲ ਵਿਭਾਗ ਵਿੱਚ ਪਟਵਾਰੀ ਸੀ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਪਟਵਾਰੀ ਸਨਮਦੀਪ ਸਿੰਘ ਦਾ ਅਜੇ ਦੋ ਦਿਨ ਪਹਿਲਾਂ ਹੀ ਵਿਆਹ ਹੋਇਆ ਸੀ। ਘਰ ਵਿੱਚ ਵਿਆਹ ਵਾਲੇ ਟੈਂਟ ਵੀ ਨਹੀਂ ਉਤਰੇ ਸਨ। ਮੁਕਤਸਰ ਜਿਲੇ ਦੇ ਪਿੰਡ ਕੋਟ ਭਾਈ ਦਾ ਰਹਿਣ ਵਾਲਾ ਮ੍ਰਿਤਕ ਨੌਜਵਾਨ ਆਪਣੇ ਵਿਆਹ ਵਾਲੇ ਦਿਨ ਕਿਰਾਏ ‘ਤੇ ਲਈ ਸ਼ੇਰਵਾਨੀ ਵਾਪਸ ਕਰਨ ਬਠਿੰਡਾ ਗਿਆ ਸੀ ਅਤੇ ਜਦ ਉਹ ਸ਼ੇਰਵਾਨੀ ਵਾਪਸ ਕਰਕੇ ਆ ਰਿਹਾ ਸੀ ਤਾਂ ਰਸਤੇ ਵਿੱਚ ਇੱਕ ਤੇਜ਼ ਰਫਤਾਰ ਟਰੱਕ ਨੇ ਉਸਦੀ ਸਵਿਫਟ ਕਾਰ ਨੂੰ ਟੱਕਰ ਮਾਰ ਦਿੱਤੀ, ਇਹ ਟੱਕਰ ਐਨੀ ਜ਼ਬਰਦਸਤ ਸੀ ਕਿ ਪਟਵਾਰੀ ਸਨਮਦੀਪ ਸਿੰਘ ਦੀ ਮੌਕੇ ‘ਤੇ ਹੀ ਮੌਤ ਹੋ ਗਈ। ਪਟਵਾਰੀ ਦੀ ਮੌਤ ਦੀ ਖਬਰ ਜਦ ਘਰ ਪਹੁੰਚੀ ਤਾਂ ਘਰ ਵਿੱਚ ਕੋਹਰਾਮ ਮਚ ਗਿਆ, ਦੋ ਦਿਨ ਪਹਿਲਾਂ ਦੁਲਹਨ ਸਜੀ ਇੱਕ ਲੜਕੀ ਦੋ ਦਿਨਾਂ ਵਿੱਚ ਹੀ ਵਿਧਵਾ ਹੋ ਗਈ। ਜਾਣਕਾਰੀ ਅਨੁਸਾਰ ਸਨਮਦੀਪ ਸਿੰਘ ਦੇ ਪਿਤਾ ਮਾਲ ਵਿਭਾਗ ਵਿੱਚ ਪਟਵਾਰੀ ਸੀ ਜਿਨਾਂ ਦੀ ਆੱਨ ਡਿਊਟੀ ਮੌਤ ਹੋ ਗਈ ਸੀ ਜਿਸ ਤੋਂ ਬਾਅਦ ਸਰਨਦੀਪ ਨੂੰ ਪਟਵਾਰੀ ਦੀ ਨੌਕਰੀ ਮਿਲੀ ਸੀ।
Menu
