ਚੰਡੀਗੜ੍ਹ,25 ਫਰਵਰੀ, Gee98 news service
-ਸਕੂਲ ਵਿੱਚ ਇੱਕ ਅਧਿਆਪਕਾ ਦੇ ਪਰਸ ਵਿੱਚੋਂ 35 ਰੁਪਏ ਗਾਇਬ ਹੋ ਗਏ ਤਾਂ ਅਧਿਆਪਕਾ ਨੇ ਬੱਚਿਆਂ ਨਾਲ ਅਜਿਹਾ ਵਿਵਹਾਰ ਕੀਤਾ ਜਿਸ ਕਾਰਨ ਬੱਚਿਆਂ ਦੇ ਮਾਪਿਆਂ ਨੇ ਸਕੂਲ ਆ ਕੇ ਹੰਗਾਮਾ ਕੀਤਾ ਅਤੇ ਵਿਭਾਗ ਨੂੰ ਸ਼ਿਕਾਇਤ ਕੀਤੀ ਤਾਂ ਸਿੱਖਿਆ ਵਿਭਾਗ ਨੇ ਅਧਿਆਪਕਾ ਦੀ ਬਦਲੀ ਕਰ ਦਿੱਤੀ। 21 ਫਰਵਰੀ ਨੂੰ ਬਿਹਾਰ ‘ਚ ਵਾਪਰੀ ਇਹ ਘਟਨਾ ਰਾਜੌਨ ਬਲਾਕ ਦੇ ਅਸਮਾਨੀਚਕ ਪਿੰਡ ਸਥਿਤ ਇੱਕ ਸਕੂਲ ਨਾਲ ਸਬੰਧਿਤ ਹੈ। ਅਧਿਆਪਕਾ ਦਾ ਨਾਂ ਨੀਤੂ ਕੁਮਾਰੀ ਹੈ। ਉਸਨੇ ਇੱਕ ਵਿਦਿਆਰਥੀ ਨੂੰ ਆਪਣੇ ਪਰਸ ਵਿੱਚ ਰੱਖੀ ਪਾਣੀ ਦੀ ਬੋਤਲ ਲਿਆਉਣ ਲਈ ਕਿਹਾ। ਇਸ ਤੋਂ ਬਾਅਦ ਜਦੋਂ ਉਸ ਨੇ ਆਪਣਾ ਪਰਸ ਚੈੱਕ ਕੀਤਾ ਤਾਂ ਉਸ ਵਿੱਚੋਂ 35 ਰੁਪਏ ਗਾਇਬ ਸਨ। ਇਸ ਤੋਂ ਬਾਅਦ ਉਹ ਵਿਦਿਆਰਥੀਆਂ ਨੂੰ ਮੰਦਰ ਲੈ ਗਈ ਅਤੇ ਉਨ੍ਹਾਂ ਨੂੰ ਰੱਬ ਦੀ ਸਹੁੰ ਚੁੱਕਣ ਲਈ ਕਿਹਾ। ਬੱਚਿਆਂ ਤੋਂ ਮੰਦਿਰ ਸਹੁੰ ਚੁਕਵਾਉਣ ਦਾ ਮਾਮਲਾ ਸਾਹਮਣੇ ਆਉਣ ਤੋਂ ਬਾਅਦ ਲੋਕਾਂ ਨੇ ਇਸ ‘ਤੇ ਇਤਰਾਜ਼ ਜਤਾਇਆ ਅਤੇ ਸਕੂਲ ‘ਚ ਹੰਗਾਮਾ ਕਰ ਦਿੱਤਾ। ਉਨ੍ਹਾਂ ਚਿਤਾਵਨੀ ਦਿੱਤੀ ਕਿ ਜੇਕਰ ਅਧਿਆਪਕ ਖ਼ਿਲਾਫ਼ ਕਾਰਵਾਈ ਨਾ ਕੀਤੀ ਗਈ ਤਾਂ ਉਹ ਸਕੂਲ ਨੂੰ ਕੰਮ ਨਹੀਂ ਕਰਨ ਦੇਣਗੇ। ਬਲਾਕ ਸਿੱਖਿਆ ਅਧਿਕਾਰੀ (ਬੀਈਓ) ਕੁਮਾਰ ਪੰਕਜ ਨੇ ਕਿਹਾ ਕਿ ਅਧਿਆਪਕ ਦਾ ਇਹ ਵਤੀਰਾ ਅਣਉਚਿਤ ਹੈ। ਇਸ ਤਰ੍ਹਾਂ ਕਿਸੇ ਵੀ ਵਿਦਿਆਰਥੀ ‘ਤੇ ਸ਼ੱਕ ਕਰਨਾ ਠੀਕ ਨਹੀਂ ਹੈ। ਅਧਿਆਪਕਾ ਦਾ ਤਬਾਦਲਾ ਕਰ ਦਿੱਤਾ ਹੈ। ਇਸ ਮਾਮਲੇ ਵਿੱਚ ਆਪਣਾ ਪੱਖ ਦਿੰਦਿਆਂ ਮਹਿਲਾ ਅਧਿਆਪਕਾ ਨੇ ਕਿਹਾ ਕਿ ਮੈਂ ਵਿਦਿਆਰਥੀਆਂ ਤੋਂ ਉਨ੍ਹਾਂ ਦੇ ਗੁੰਮ ਹੋਏ ਪੈਸਿਆਂ ਬਾਰੇ ਪੁੱਛਗਿੱਛ ਕੀਤੀ ਸੀ। ਵਿਦਿਆਰਥੀ ਖੁਦ ਸਹੁੰ ਚੁੱਕਣ ਲਈ ਮੰਦਰ ਵੱਲ ਭੱਜੇ। ਅਧਿਆਪਕ ਨੇ ਕਿਹਾ ਕਿ ਮੈਂ ਲੋਕਾਂ ਦਾ ਵਿਵਹਾਰ ਦੇਖ ਕੇ ਹੈਰਾਨ ਹਾਂ। ਮੈਂ ਇੱਥੇ ਪਿਛਲੇ 18 ਸਾਲਾਂ ਤੋਂ ਪੜ੍ਹਾ ਰਹੀ ਹਾਂ। ਮੈਂ ਆਪਣੇ ਵਿਦਿਆਰਥੀਆਂ ‘ਤੇ ਕਿਵੇਂ ਸ਼ੱਕ ਕਰ ਸਕਦੀ ਹਾਂ ?
ਕੈਪਸ਼ਨ-ਅਧਿਆਪਕਾ ਨੀਤੂ ਕੁਮਾਰੀ ਦੀ ਫਾਈਲ ਫੋਟੋ
Menu
