ਲੁਧਿਆਣਾ 24 ਜੁਲਾਈ-ਲੁਧਿਆਣਾ ਤੋਂ ਜਲੰਧਰ ਹਾਈਵੇ ‘ਤੇ ਸਤਲੁਜ ਦਰਿਆ ਦੇ ਪੁਲ ਨਜ਼ਦੀਕ ਬਣੇ ਲਾਡੋਵਾਲ ਟੋਲ ਪਲਾਜ਼ਾ ਦੇ CA ਤੋਂ ਲੁਟੇਰਿਆਂ ਨੇ 23.30 ਲੱਖ ਲੁੱਟ ਲਏ ਹਨ । ਲੁੱਟ ਦੀ ਇਹ ਵੱਡੀ ਘਟਨਾ ਸੋਮਵਾਰ 11ਵਜੇ ਤੋਂ ਬਾਅਦ ਉਸ ਵੇਲੇ ਵਾਪਰੀ ਜਦ ਟੋਲ ਦਾ CA ਬੈਂਕ ਵਿੱਚ ਕੈਸ਼ ਜਮ੍ਹਾਂ ਕਰਵਾਉਣ ਜਾ ਰਿਹਾ ਸੀ। ਜਾਣਕਾਰੀ ਅਨੁਸਾਰ ਜਿਵੇਂ ਹੀ ਟੋਲ ਪਲਾਜ਼ਾ ਦਾ CA ਤੇ ਡਰਾਈਵਰ ਕੈਸ਼ ਜਮ੍ਹਾਂ ਕਰਵਾਉਣ ਗੱਡੀ ਵਿੱਚ ਫਿਲੌਰ ਵੱਲ ਤੁਰੇ ਤਾਂ ਲੁਟੇਰਿਆਂ ਨੇ ਦੋ ਗੱਡੀਆਂ ਵਿੱਚ ਉਸ ਦਾ ਪਿੱਛਾ ਕੀਤਾ ਅਤੇ ਥੋੜੀ ਦੂਰ ਜਾ ਕੇ ਗੱਡੀ ਅੱਗੇ-ਪਿੱਛੇ ਲਗਾ ਕੇ ਸੀਏ ਦੀ ਗੱਡੀ ਨੂੰ ਰੋਕ ਲਿਆ। ਲੁਟੇਰਿਆਂ ਵੱਲੋਂ ਗੱਡੀ ਰੋਕਣ ਤੋਂ ਬਾਅਦ CA ਦੇ ਡਰਾਈਵਰ ਨੇ ਗੱਡੀ ਲਾੱਕ ਕਰ ਲਈ ਪਰ ਲੁਟੇਰਿਆਂ ਨੇ ਗੱਡੀ ਦੇ ਸ਼ੀਸ਼ੇ ਭੰਨ ਕੇ 23.30 ਲੱਖ ਦੀ ਹਾਕਮ ਲੁੱਟੀ ਅਤੇ ਦੋਵੇਂ ਗੱਡੀਆਂ ਵਿੱਚ ਫਰਾਰ ਹੋ ਗਏ । ਵੱਡੀ ਲੁੱਟ ਦੀ ਸੂਚਨਾ ਮਿਲਣ ਤੋਂ ਬਾਅਦ ਪੁਲਿਸ ਹਰਕਤ ਵਿੱਚ ਆਈ ਅਤੇ ਰਸਤੇ ਵਿੱਚ ਸਾਰੇ ਸੀਸੀਟੀਵੀ ਕੈਮਰਿਆਂ ਨੂੰ ਆਪਣੇ ਕਬਜ਼ੇ ਵਿੱਚ ਲੈ ਕੇ ਲੁਟੇਰਿਆਂ ਦੀ ਪੈੜ ਨੱਪਣੀ ਸ਼ੁਰੂ ਕਰ ਦਿੱਤੀ। ਟੋਲ ਪਲਾਜ਼ਾ ਦੇ ਮੈਨੇਜਰ ਅਨੂਪ ਨੇ ਦੱਸਿਆ ਕਿ ਨਾਲ ਉਨ੍ਹਾਂ ਦਾ ਡਰਾਈਵਰ ਵੀ ਸੀ ਜੋ ਅਕਸਰ ਕੈਸ਼ ਜਮ੍ਹਾਂ ਕਰਵਾਉਣ ਜਾਂਦੇ ਸਨ । ਮੰਨਿਆ ਜਾ ਰਿਹਾ ਹੈ ਕਿ ਲੁਟੇਰਿਆਂ ਨੇ ਲੁੱਟ ਦੀ ਵਾਰਦਾਤ ਨੂੰ ਅੰਜਾਮ ਦੇਣ ਤੋਂ ਪਹਿਲਾਂ ਰੇਕੀ ਵੀ ਕੀਤੀ ਹੋਵੇਗੀ ।
Menu
