ਚੰਡੀਗੜ੍ਹ,4 ਦਸੰਬਰ – ਭੈਣ ਵੱਲੋਂ ਕੋਰਟ ਮੈਰਿਜ ਕਰਵਾਉਣ ਤੋਂ ਬਾਅਦ ਨਾਰਾਜ਼ ਭਰਾਵਾਂ ਵੱਲੋਂ ਅਣਖ ਖਾਤਰ ਭੈਣ ਤੇ ਉਸਦੇ ਪਤੀ ਦੀ ਦਿਲ ਦਹਿਲਾ ਦੇਣ ਵਾਲੀ ਹੱਤਿਆ ਕਰਨ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਇਹ ਮੰਦਭਾਗੀ ਘਟਨਾ ਬਠਿੰਡਾ ਜ਼ਿਲ੍ਹੇ ਦੇ ਪਿੰਡ ਤੁੰਗਾਂਵਾਲੀ ਨਾਲ ਸੰਬੰਧਿਤ ਹੈ ਜਿੱਥੇ ਦੋ ਸਾਲ ਪਹਿਲਾਂ ਇੱਕ ਕੁੜੀ ਬੇਅੰਤ ਕੌਰ ਨੇ ਆਪਣੇ ਪ੍ਰੇਮੀ ਜਗਮੀਤ ਸਿੰਘ ਨਾਲ ਕੋਰਟ ਮੈਰਿਜ ਕਰਵਾ ਲਈ ਸੀ ਪਰੰਤੂ ਘਰ ਵਾਲਿਆਂ ਵੱਲੋਂ ਇਤਰਾਜ਼ ਕਰਨ ਤੋਂ ਬਾਅਦ ਉਹ ਫ਼ਿਲਹਾਲ ਆਪਣੇ ਪਿਤਾ ਦੇ ਘਰ ਹੀ ਰਹਿ ਰਹੀ ਸੀ, ਫਿਰ ਵੀ ਉਸ ਦੀ ਕੋਰਟ ਮੈਰਿਜ ਤੋਂ ਉਸਦੇ ਪਰਿਵਾਰ ਵਾਲੇ ਖਾਸ ਕਰਕੇ ਭਰਾ ਨਾਰਾਜ਼ ਸਨ। ਇਹ ਵੀ ਜਾਣਕਾਰੀ ਮਿਲੀ ਹੈ ਕਿ ਕੋਰਟ ਮੈਰਿਜ ਕਰਵਾਉਣ ਵਾਲਾ ਲੜਕਾ ਪੁਲਿਸ ਕਾਂਸਟੇਬਲ ਹੈ ਜੋ ਆਪਣੇ ਪਰਿਵਾਰ ਸਮੇਤ ਕਿਤੇ ਹੋਰ ਰਹਿ ਰਿਹਾ ਸੀ । ਪੁਲਿਸ ਨੂੰ ਦਿੱਤੇ ਬਿਆਨਾਂ ਅਨੁਸਾਰ ਮ੍ਰਿਤਕ ਕਾਂਸਟੇਬਲ ਦੇ ਭਰਾ ਸੰਦੀਪ ਸਿੰਘ ਨੇ ਦੱਸਿਆ ਕਿ ਐਤਵਾਰ ਜਦ ਜਗਮੀਤ ਸਿੰਘ ਆਪਣੇ ਪਿਤਾ ਅਤੇ ਭਰਾ ਨਾਲ ਪਿੰਡ ਤੁੰਗਾਂਵਾਲੀ ਆਪਣੇ ਪੁਰਾਣੇ ਘਰ ਦੀ ਸਫਾਈ ਵਗੈਰਾ ਕਰਨ ਆਇਆ ਤਾਂ ਆਪਣੀ ਪਤਨੀ ਬੇਅੰਤ ਕੌਰ ਨੂੰ ਮਿਲਣ ਚਲਿਆ ਗਿਆ ਜਿੱਥੇ ਲੜਕੀ ਦੇ ਭਰਾਵਾਂ ਨਾਲ ਬਹਿਸ ਹੋ ਗਈ, ਇਹ ਬਹਿਸ ਐਨੀ ਤਕਰਾਰਬਾਜ਼ੀ ਵਿੱਚ ਬਦਲ ਗਈ ਕਿ ਬੇਅੰਤ ਕੌਰ ਦੇ ਘਰ ਉਸ ਦੇ ਪਰਿਵਾਰਿਕ ਮੈਂਬਰਾਂ ਬਲਕਰਨ ਸਿੰਘ, ਗੁਰਪਾਲ ਸਿੰਘ ਤੇ ਹੰਸਾ ਸਿੰਘ ਨੇ ਕਾਂਸਟੇਬਲ ਜਗਮੀਤ ਸਿੰਘ ‘ਤੇ ਹਮਲਾ ਕਰਕੇ ਮੌਤ ਦੇ ਘਾਟ ਉਤਾਰ ਦਿੱਤਾ ਇਸ ਦੌਰਾਨ ਜਦੋਂ ਜਗਮੀਤ ਸਿੰਘ ਨੂੰ ਬਚਾਉਣ ਲਈ ਜਦ ਬੇਅੰਤ ਕੌਰ ਰਹਿਮ ਦੀ ਭੀਖ ਮੰਗਦੀ ਉਸ ਦੇ ਉੱਪਰ ਡਿੱਗੀ ਤਾਂ ਉਸ ਦਾ ਵੀ ਕਤਲ ਕਰ ਦਿੱਤਾ ਗਿਆ। ਪੁਲਿਸ ਨੇ ਮ੍ਰਿਤਕ ਜਗਮੀਤ ਸਿੰਘ ਦੇ ਭਰਾ ਸੰਦੀਪ ਸਿੰਘ ਦੇ ਬਿਆਨਾਂ ਦੇ ਆਧਾਰ ‘ਤੇ ਦੋਸ਼ੀਆਂ ਦੇ ਖ਼ਿਲਾਫ਼ ਮੁਕੱਦਮਾ ਦਰਜ ਕੀਤਾ ਹੈ।
Menu
