ਜਲੰਧਰ 11 ਮਾਰਚ (ਜੀ98 ਨਿਊਜ਼ ਸਰਵਿਸ)- ਇੱਕ ਬੱਚੇ ਨਾਲ ਹੋਏ ਕੁਕਰਮ ਦੇ ਮਾਮਲੇ ਵਿੱਚ ਨਾਮਜ਼ਦ ਇੱਕ ਨੌਜਵਾਨ ਨੇ ਆਤਮਹੱਤਿਆ ਕਰ ਲਈ ਹੈ । ਹੋਲੀ ਵਾਲੇ ਦਿਨ ਜਲੰਧਰ ਦੀ ਬਸਤੀ ਸੇਖ ਵਿੱਚ ਇੱਕ ਬੱਚੇ ਨਾਲ ਕੁਕਰਮ ਦੀ ਮਾੜੀ ਘਟਨਾ ਵਾਪਰੀ ਸੀ ਜਿਸਤੋਂ ਬਾਅਦ ਪੁਲਿਸ ਨੇ ਤਿੰਨ ਨੌਜਵਾਨਾਂ ‘ਤੇ ਕੇਸ ਦਰਜ ਕੀਤਾ ਸੀ। ਇਨਾਂ ਨੌਜਵਾਨਾਂ ਵਿੱਚੋਂ ਇੱਕ ਬਲਵੀਰ ਸਿੰਘ ਨੇ ਆਪਣੇ ਉੱਪਰ ਕੁਕਰਮ ਦਾ ਕੇਸ ਦਰਜ ਹੋਣ ਤੋਂ ਬਾਅਦ ਘਰੇ ਹੀ ਪੱਖੇ ਨਾਲ ਲਟਕ ਕੇ ਆਤਮ ਹੱਤਿਆ ਕਰ ਲਈ। ਪਰਿਵਾਰਕ ਮੈਂਬਰਾਂ ਦਾ ਦੋਸ਼ ਹੈ ਕਿ ਪੁਲਿਸ ਨੇ ਬਲਵੀਰ ਸਿੰਘ ‘ਤੇ ਕੁਕਰਮ ਦਾ ਝੂਠਾ ਕੇਸ ਦਰਜ ਕੀਤਾ ਹੈ ਜਿਸ ਕਾਰਨ ਉਸਨੇ ਆਪਣੀ ਜੀਵਨ ਲੀਲਾ ਖਤਮ ਕਰ ਲਈ । ਬਸਤੀ ਦੇ ਲੋਕਾਂ ਨੇ ਪੁਲਿਸ ਨੂੰ ਚੇਤਾਵਨੀ ਦਿੱਤੀ ਹੈ ਕਿ ਬਲਵੀਰ ਸਿੰਘ ਉੱਪਰ ਕੁਕਰਮ ਦਾ ਝੂਠਾ ਕੇਸ ਦਰਜ ਕਰਵਾਉਣ ਵਾਲਿਆ ‘ਤੇ ਬਣਦੀ ਕਾਰਵਾਈ ਕੀਤੀ ਜਾਵੇ । ਲੋਕਾਂ ਦਾ ਵੀ ਕਹਿਣਾ ਕਿ ਬਲਵੀਰ ਸਿੰਘ ਆਪਣੇ ਉਪਰ ਕੁਕਰਮ ਦਾ ਝੂਠਾ ਕੇਸ ਦਰਜ ਹੋਣ ਤੋਂ ਬਾਅਦ ਐਨਾ ਸ਼ਰਮਸਾਰ ਹੋ ਗਿਆ ਕਿ ਉਸਨੇ ਆਤਮ ਹੱਤਿਆ ਵਰਗਾ ਕਦਮ ਚੁੱਕਿਆ।
Menu
